Сподели Знаење #4-2020: Логика, математика и софтвер

Овој четврток (23-07-2020г.) ќе имаме „Сподели Знаење“, четврто годинава.

Боро Ситниковски, кој е автор на Gentle Introduction to Dependent Types with Idris и Gentle Introduction to Blockchain with Lisp, по n-ти пат (не знам точно колку пати ни има предавано :)) ќе нѐ држи за рака, и со факел ќе нѐ води низ занданите на логиката, математиката и софтверот. Или, со негови зборови:

Through examples we will show how we can prove software correctness using the automated theorem prover Dafny, developed by Microsoft. We will also introduce Hoare logic from a theoretical perspective, which represents the backbone of Dafny.

Кој разбира, разбира. Кој не, се гледаме во четврток од 19:00ч. на следниов линк: https://meet.google.com/xgb-nyed-icr 🙂

 

Сподели Знаење #3-2020: Магијата на еден домашно-изработен грамофон

Одамна на „Сподели Знаење“ не сме го тргнале фокусот од командна линија, програмски јазици и софтвер. Па така, можеби сега е правиот момент да ја повториме нашата омилена дефиниција за тоа што е „хакирање“, а тоа е:

Игриво проучување на сложени системи што  другите луѓе ги земаат здраво за готово.

Овој четврток (25ти јуни, 2020г.), вниманието ќе го свртиме кон домашно-изработениот грамофон „dŵr“, направен од Марјан Стојнев (и потпомогнат од неговата екипа), кој што electronicbeats.net го објаснуваат како:

… минимален дизајн, во кој формата и на естетски начин ја следи функцијата, а белите и метални елементи преку комплементарен контраст се испреплетуваат со дрвото. Но главниот адут на овој грамофон е сепак звукот, за кој тимот што го произведува вели дека е 150 пати попрецизен од стандарден диџеј грамофон. Дизајниран и изработен целосно од локални луѓе и локални материјали, dŵr се склопува рачно и претставува вистински уникат и во светски рамки.

Па, за да се увериме дека е така, Марјан ќе ни објасни за тоа како функционира грамофонот, колку е сложено да дојдеш до едно вакво решение, со кои препреки се соочува еден човек кога би решил да направи свој грамофон итн..

Ќе зборуваме за хардвер, софтвер, аудио инженерство, па дури и ќе имаме live demo и walk-through. 🙂

Како и претходните неколку „Сподели Знаење“ настани, и овој ќе се случи преку Google Meet. Се гледаме во четврток во 19:00ч. на следниов линк: https://meet.google.com/xxt-pqsw-iyc

Сподели Знаење #2-2020: Фраеризам со Kubernetes и Minikube

Следната сабота (09.05.2020), во 19:00ч., Миладин Паповиќ (ние си го знаеме како мики-вејв :)) ќе нѐ научи што е тоа Kubernetes, како се користи со Minikube и зошто треба да ни е гајле.

Според официјалните објаснувања:

Kubernetes (commonly stylized as k8s) is an open-source container-orchestration system for automating application deployment, scaling, and management.

Minikube is a tool that makes it easy to run Kubernetes locally. Minikube runs a single-node Kubernetes cluster inside a Virtual Machine (VM).

По распоред што не го следиме одамна, ова би требало да биде саботно сподели знаеање, но да речеме дека ова повеќе личи на SysAdmin средба што одамна ја чекаме. 🙂

Па така, апдејтирајте си ги системите, тестирајте си ги микрофоните, кикнети ги сите од мрежа за да не ви сецка нетот и се слушаме и гледаме во сабота на следниов линк: https://meet.google.com/msd-ckuh-nbs

А до тогаш, ве оставам со следниов „мим“ (меме де :))

Ха(ц)керски поздрав,
tin

Хаклаберски вечери на програмирањето #01-2020: Rust и уште нешто

Денес (сабота, 18 април 2020), во 19:00ч. ќе имаме „хаклаберски вечери на програмирањето“, или само „програмски вечери“. Се собираме на следниов линк: https://meet.google.com/rhe-qgde-pov, ќе си збориме за програмски јазици и ќе си програмираме за душа.

Може да паднат неколку линии Rust, може да паднат па и неколку линии од некој друг програмски јазик. Ама тоа не е битно. Битно е да се појавите во 19:00ч. со пијалок по ваш избор.

Се гледаме. 🙂

Tidy Tuesday #25 (Online): Подигање сопствен Shiny сервер [14.04.2020]

Во вторник, 14.04, од 20:00 часот Дамјан ќе презентира како се подига Shiny сервер.

Shiny е пакет за изградба на дешборди и апликации за анализа на податоци во R, кои можат да се користат без програмирање. Со сопствен сервер можно е да се споделат изработените дешборди и апликации со многу поголем број на корисници.

Презентацијата ќе се одржи да следниот линк https://meet.google.com/rhe-qgde-pov

Се гледаме Вторник во 20h.