Game Development Workshop #2 – Galactic Omnivore

Галактик Омнивор или скратено ГО, е неформално здружение за развој на игри. Ние сме група на индивидуи од различни професии, животни искуства и околности сплотени со цел да развиваме игри заедно, преку забава и другарување.

На 20-ти април ќе ја организираме втората работилница за нашите членови и пошироката јавност заинтересирана за развој на игри на уникатен и свеж начин. Ве покануваме во просториите на Хаклаб КИКА. Од 19:00 до 23:00. На оваа работилница ќе сервираме трпеза на која што ќе имате можност да вкусите дел од специјалитетите кои секојдневно ги готвиме за нашите членови на уникатет и вкусен начин.

Мени:

• • Ордевер – Иван Кикерков – Галактик Омнивор – развој на игри низ заедница за развој на игри – 10 минути
  • Предјадење – Коста Марковски – One Will Thousand Ways – Демонстрација на еден од можните патишта кон дизајн на игри – 15 минути
  • Салати – Ана Здравкова – You have the best view from the bottom of the barrel – Како да мрднете од мртва точка? – 15 минути
  • Прашања и пауза – 20 минути
  • Главно јадење – Работилница за изведување и реализација на идеа – преку индивидуална и групна работа – 60 минути + 30 минути дискусија
  • Десерт – Проекција на филм по избор – 90 минути (доколку остане време)

Во кратки црти ќе ви претставиме еден можен пристап како да ги трансфомирате вашите идеи во готов производ користејќи ја моќта на една заедница за развој на игри. Со тоа знаење можете да бидете еден чекор поблиску до реализација на вашите лични идеи за игри кои отсекогаш сте сакале да ги остварите, но не сте знаеле точно како.

Очекуваме голем дел од од нашите постоечки членови да ја посетат оваа работилница и да споделат дел од нивното искуство во нашата заедницата.

Предуслов за учество:

• • Желба за стекнување и практикување на вештини за развој на игри
  • Основен алат за практикување на твоите постоечки вештини

Бројот е ограничен на 20 места. За да учествувате на работилницата потребно е да се регистрирате – тука.

Доколку ве интересира да дознаете повеќе за нас ви стоиме на располагање на нашата веб страна galacticomnivore.com каде можете да го започнете со истражување на нашиот дискорд сервер.