http://kalkulator.ot.mk/ е напишан во Elm и може да пресмета бруто од нето плата и обратно. Обратната пресметка е моментално имплементирана со бинарно пребарување.
На овој настан ќе пробаме да го решиме проблемот на поинтересен начин во PureScript. Прашањето е – можеме ли со еден израз да ги опишеме двете функции, едната за конверзија од бруто во нето, другата за обратна конверзија?
Ќе почнеме од едноставна имплементација која поддржува само линеарни калкулации, чиј код го има овде – ќе објасниме како работи. Потоа ќе пробаме да ја прошириме за да поддржува нелинеарни калкулации карактеристични за даноци (различна стапка во различен опсег на бруто плата) (имаме некои идеи, но не сме сигурни дали е можно)
Се гледаме online во недела 21:00 на https://meet.google.com/ со кодот cwm-jrmz-nuh
Што направивме:
– Инсталиравме zig и wasmtime
– Успеавме да искомпајлираме hello world апликација, со таргет архитектура wasm32
– Го импортиравме wasm фајлот во Јаваскрипт, повикавме JS функција од wasm, и обратно, повикавме wasm функција од JS
Како што може да видите, не направивме ништо поврзано со шах, ама добро се позициониравме за денес да почнеме со тоа да се бавиме. 🙂
Што можеби ќе правиме вечер:
– Ќе ја интегрираме ОСС библиотеката на Lichess за шаховски интерфејс: https://github.com/lichess-org/chessground
– Ќе искуцаме/искористиме библиотека за импортирање на FEN стрингови
– Ќе дебатираме која е правилната интерна репрезентација на шаховска табла/игра
– Ќе почнеме да го пишуваме основниот tree exploration алгоритам и ќе го натераме енџинот да одбере некаков рандом потег
– Ќе учиме шаховска теорија, нумеричка вредност на фигурите, positional play concepts и што сѐ не…
Македонски Етички Хакери, или МЕХ на кратко, е група која е креирана пред се за дружење, а воедно и заедничко учење, споделување на материјали, учество на хакатони/CTFs, итн.
На 24-ти декември ќе организираме предновогодишен настан во просториите на Хаклаб КИКА од 14:00 до 20:00 часот, каде што сите коишто имаат потреба од помош за Advent of Cyber или Advent of Code истата ќе може да ја добијат.
Доколку веќе ги имате решено сите задачи од избраниот Advent, слободно може да донесете било каков уред којшто сакате да го тестирате/програмирате со другите учесници (ld3k0fv ќе донесе “Rubber Ducky” -> Arduino Leonardo Mini).
Или пак доколку цела година сте биле вредни и сте учеле, дојдете само за муабет, дружење, и да се запознаеме!
Сите заинтересирани кои сакат да се приклучат кон МЕХ, да постават прашања, или да бидат во тек со сите настани кои ќе се случуваат во иднина, може да го сторат тоа преку следниот линк: https://discord.gg/4RNGbf5u5b.
Овој понеделник, од 19-ish часот во КИКА па до даљнег, ќе се случи првиот од серија на барем неколку настани во кои со многу ентузијазам и многу _малку_ знаење, ќе почнеме да развиваме chess engine.
Зошто? Добро прашање. Шах е добро, програмирање е добро – програмирање на работи поврзани со шах е божествено. Seriously though…
Зошто да програмираме chess engine кога Stockfish надмина 4000 ELO? Затоа што а) нема кој да не спречи, б) ќе учиме шаховска теорија ц) ќе учиме web assembly (тоа ќе биде compile target) и д) види прва точка.
Искрено, мислиме дека ќе биде супер-забавно да играме против сопствениот енџин и да го подобруваме до степен кај што ќе може да не победи. Ако не победи, сме успеале во програмирање, ако не нѐ победи, well, добри сме во шах. Како и да свртиш ќе си одиме дома среќни.
Ако те интересира шах и/или програмирање, бујрум утре во КИКА од 19ч.
Зиам, зимаш, зиам.. зимаш. Шах… undefined is not a function.
Сподели знаење, вечер во 19ч (среда, 30-ти ноември) во новиот простор на КИКА.
Ќе зборуваме за системските повици во Линукс кернелот, кои постоеле во 1.0 верзија (1994-та година) и постојат ден денес несменети. Ќе имаме кратко интро за што се тоа системски повици, ќе ја разгледаме листата, и ќе пробаме да повикаме некои од нив (во асемблер или во некој егзотичен јазик како Zig.)
Ние сме Македонски Етички Хакери, или МЕХ на кратко.
МЕХ е група ентузијасти кои во слободно време сакаат да решаваат CTFs и заедно да научат како подобро да се заштитиме во дигиталниот свет. Затоа, од 1 декември ќе организираме секојдневен повик на платформата Discord, каде што заедно ќе решаваме проблеми од Advent of Cyber и Advent of Code. Нашата цел е да научиме нешто повеќе за сајбер безбедност и малку алгоритми.
Ако си заинтересиран да научиш повеќе, да го споделиш твоето решение со нас или просто ти треба помош, од 18:00 часот можеш да ни се приклучиш на следниот линк: https://discord.gg/uW4uajdc99. Или доколку си етички хакер/ка, личност што е заинтересиран/а за новите хакови во јавност или ја интересираат загатки, или пак имаш желба да расипеш нешто и да научиш нешто повеќе, МЕХ е тука да те пречека со отворени раце.
МЕХ ја користи оваа прилика да искаже голема благодарност до Хаклаб КИКА. ❤️
