From scratch: имплементираме MD5 во Python

Од чиста мира, без некоја особена потреба, вечерва Андреј Т. (whoeverest) ќе го реимплементира MD5 hashing алгоритмот во Python. Во живо на стрим се разбира: https://meet.google.com/rta-negd-yjg

Овој алгоритам си има посебно место во историјата; на времето (кога беше све поарно) се користеше за хаширање на лозинки, секако, доколку програмерите беа доволно совесни да ги хашираат, арно ама испадна криптографски несигурен и денеска се користи претежно за не-толку-битни проверки од типот „фајл А е еднаков на фајл Б.“

Инаку постов го крстив „From scratch” затоа што од пред некое време имав идеја да направам редовен настан кај што ќе имплементираме Х од нула, каде што Х е некоја работа која ја користиме и земаме здраво за готово. Во зависност од интересот, ова може да биде еднократен настан или серија. Ако е серија ќе ја туриме на Нетфликс хехе.

Се гледаме вечер во 20:00ч. (Дата: 11.04, ден недела.)

Првата слика кога ќе пишеш hashing algorithm во DuckDuckGo, од Википедија.

Хаклаберски вечери на програмирањето #01-2020: Rust и уште нешто

Денес (сабота, 18 април 2020), во 19:00ч. ќе имаме „хаклаберски вечери на програмирањето“, или само „програмски вечери“. Се собираме на следниов линк: https://meet.google.com/rhe-qgde-pov, ќе си збориме за програмски јазици и ќе си програмираме за душа.

Може да паднат неколку линии Rust, може да паднат па и неколку линии од некој друг програмски јазик. Ама тоа не е битно. Битно е да се појавите во 19:00ч. со пијалок по ваш избор.

Се гледаме. 🙂

Сподели Знаење #1-2020: Автоматизација и „Ансибл“ објаснети како на „деца“!

Оваа сабота (11-04-2020) ќе имаме онлајн „Сподели Знаење“ („прво па споделено“ годинава) кадешто еден од членовите на 2CMK и Хаклаб КИКА, Дамјан Георгиевски, ќе нѐ држи за рака и ќе нѐ води низ една од најинтересните и најкорисните „гранки“ во администрирањето на системи, а тоа е автоматизацијата.

Меѓудругото ќе учиме и за Ansible, корисна алатка за подесување, или како што црвено-капите од IBM го објаснуваат: Ansible is the simplest way to automate apps and IT infrastructure. Application Deployment + Configuration Management + Continuous Delivery.

Па, придружете ни се во 19:00ч. во сабота на овој линк! Ви треба само Интернет конекција. 🙂

R Skopje група

R Skopje е корисничката група за R што (воглавно) се собира во скопскиот хаклаб КИКА. Започавме со TidyTuesday работилници во септември 2019, за да продолжиме со други теми (статистика, моделирање) во 2020.

Од февруари 2020 R Skopje e дел од Meetup мрежата на кориснички групи за R спонзорирана од R Consortium. Можете да се придружите тука.

Средбите вообичаено се случуваат секој вторник од 19 до 21 часот во КИКА.

R Skopje во 2020 е поддржан од R Consortium со Vector грант.

PyData Скопје

Добредојде на PyData Скопје.

PyData е образовната програма на NumFOCUS, американска фондација која што пак е поддржувач на бројни софтверски проекти поврзани со Data Science.

Скопскиот огранок е 151 во светот, трет во нашето поблиско соседство.

Една од главните особености на PyData  е промовирање на разноликост/вклученост (diversity) во заедницата и нашите напори ќе бидат насочени кон ова посебно.

Моменталното (мое) размислување е PyData настан да се случува еднаш месечно, со поформална структура / програма, додека истовремено продолжуваме со #TidyTuesday секој вторник во понеформалната атмосфера што ја нуди хаклабот.

Идеи за теми, локации (доколку ни притреба заради поголеми присуство) и слично се добредојдени. Главиот канал за комуникација ќе биде страницата на Meetup.