Сподели знаење, слободна култура и слободен софтвер
Утре, сабота, 10.04.2021 – ионака нема што да се прави, диската празни, колената секако болат. Па ќе си седиме дома и заедно на google meet ќе инсталираме NixOS.
NixOS е Linux оперативен кој се изградува со Nix expressions – функциски, pure програмски јазик.
Почеток во 20:00 часот, крај кога ќе снемаме сили (или шеќер во крвта).
Линкот за google meet e meet.google.com xip-yqxu-nhe
P.S. Настанот е #3, но се случува пред #2, оној со Gentoo Linux. 🙂
Во време на корона криза, полициски часови и миљон други проблеми — на просечниот хакер тоа не му е доволно, па кога „ти работи“ линуксот и не е најдоброто чуство зашто немаш што да поправаш.
Линукс дистрибуцијата Gentoo е добро позната во хакерските кругови. Има репутацијата на дистрибуција за која ти треба глупаво многу време да ја инсталираш, генерално поради фактот што повеќето работи мораш сам да ги искомпајлираш. Но според Википедија,
People who are prepared to invest the time required to configure and tune a Gentoo system can build very efficient desktops and servers.
Нашата цел е да пробаме да ја инсталираме дистрибуцијата без претходно конкретно знаење. Овој настан не е предавање, и јас не сум предавач. Повеќе од веројатно е дека ќе ни треба повеќе време, така што ако треба ќе го организираме повеќе пат и ќе продолжиме од каде што застанавме.
Ќе читаме документација, ќе пиеме пиво, ќе бегаме од темата и ќе проверуваме од време на време дали „ни работи“ или не. Ќе „рануваме“ рандом команди, и ќе го слушаме Дамјан како црвенее и како се издишува. Уствари, еве го, веќе почна.
Се гледаме вечер во 20:00ч. на meet.google.com/qtf-ochv-zfj,
хакерски поздрав,
Христијан (yyy)
НОВ ЛИНК ЗА ПРЕДАВАЊЕТО: https://t.co/wKu0ReTCGM
Прво па вештачки интелигентно! 🙂
Ја започнуваме оваа нова низа на „Сподели Знаење“ предавања во 2021-та година со Марија Славковиќ (https://uib.no/en/persons/Marija.Slavkovik), која што е вонреден професор по вештачка интелигенција при Универзитет во Берген Норвешка. Таа се занимава со истражување на проблеми во колективно резонирање посебно во контекст на етички проблем во вештачката интелигенција. Предавањето дава краток преглед на вештачката интелигенција како истражувачка област и вовед во нејзината нова под-област: етичка ВИ (ethical AI).
Предавањето ќе биде одржано на Google Meet, овој четврток (21-01-2021), во 20:00ч..
Код до предавањето за Google Meet: aca-pdas-tuq
Уште едно „Сподели Знаење“ годинава, со примеси на TidyTuesday.
Љупчо Наумов, кој е исто така учесник и на TidyTuesday настаните во КИКА, овој пат на „Сподели Знаење“ ќе ни предава „Алгоритамско Инвестирање“.
Или, со негови зборови:
Во овој туториал ќе се презентира кратка теорија на Алгоритамско или Quant инвестирање што претставува начин на создавање на портфолија преку предефинирани правила.
Фокусот ќе биде на практика така што ќе напишеме алгоритам во живо во R. Ќе симнеме финансиски податоци за сите членови на S&P500 индексот, и ќе дефинираме алгоритам кој врз база на тие податоци ќе генерира портфолио.
Целта е да се покаже дека Алгоритамско Инвестирање не е научна фантастика, и дека со неколку линии код можат да се постигнат одлични финансиски резултати.
Настанот ќе биде одржан во четврток (24.12.2020) во 20:00ч., онлајн т.е. на Google Meet, на следниов линк: https://meet.google.com/kaw-uovv-vgx
Доколку има измени во линкот до Гугл Мит, оваа објава ќе биде ажурирана.
Сподели Знаење #9, но пред #8! Оваа среда ќе слушаме предавање на Звонко Вугрешек на тема „Дизајн автоматизација – преглед низ computational design и дигитална фабрикација“.
Како што тој го опишува:
Предавањето ќе биде запознавање со полето на computational design како и со дигиталната фабрикација која се состои како што можете да претпоставите од многу различни гранки од ласерски сечачи, цнц-иња и разно разни 2/3Д принтери па се до индустриски роботи.
Преку конкретни примери ке се запознаеме со принципите на алгоритамскиот дизајн и како тој може да ја направи работата на дизајнерите многу поефикасна. Тоа не се однесува само на дизајнерите туку на сите струки кои сакаат да си ја автоматизираат работата и носењето одлуки, поготово онаму каде што има доста репетативни процеси и мануелна работа, на пример во градежништвото.
Овие процеси на автоматизација со оптимизација не се нешто сосема ново туку датираат од многу одамна, но дури сега имаме моќ да ги користиме на скоро секоја машина како што им била оригиналната замисла.
Најчест е Rhinoceros 3D & grasshopper кои се пионери на трендот на визуелното програмирање, но овие методи можат да се најдат во скоро секоја CAD или BIM програма, само што можеби не ни биле на тој начин претставени и сервирани.
Настанот ќе биде одржан во среда (23.12.2020) во 19:00ч., онлајн т.е. на Google Meet, на следниов линк: https://meet.google.com/kaw-uovv-vgx
Доколку има измени во линкот до Гугл Мит, оваа објава ќе биде ажурирана.
Се гледаме. 🙂
Откако systemd ги завладеа останатите иницијални системи во претходното „Сподели Знаење“ кое траеше речиси два-ипол часа, сѐ уште не сме завршиле со темата.
Овојпат, следно на агендата е создавање портабилни сервиси во systemd, што е Nix, и како да ги искористиме двете во комбинација за создавање на изолирани, reproducible и self-contained сервиси.
Се гледаме овој вторник (06-10-2020) во 19:00ч. на следниов линк: https://meet.google.com/gex-mwvx-vut