Прв дејт со K8s: кластер или кластерфак?

UPDATE: ќе почнеме половина час подоцна, во 19:30!

Значи следна е приказната: сите кул деца знаат Kubernetes, само јас не. Чаре? Или да се мачам сам да учам како работи, или да се срамам на стрим да учам. Во духот на „Сподели знаење“ го одбрав второто.

Од 19ч. овој четврток (18.11) на Google Meet ќе сетапираме K8s cluster (дали minikube или вистински, ќе видиме) чисто да се запознаеме со некои основни поими, како подови, сервиси и што ти ја знам таму.

Целта ќе биде, рецимо, да пробаме да диплојнеме некоја „едноставна“ веб апликација која во позадина користи (микро) сервиси. Можеби нема да стигнеме подалеку од читање документација, ама тоа е. Ќе видиме.

Се гледаме вечер од 19ч на Google Meet, линкот е: [google-meet-url]/usa-hzqh-qau

Сакам да ми работи: Single-Sign-On со Nextcloud и Vouch

Оваа недела ќе покажеме како релативно лесно да имплементираме SSO (single sign-on) за апликации кои тоа не го подржуваат нативно. Ќе употребиме vouch-proxy, nginx и Nextcloud (како база/директориум на корисници).

Link: https://meet.google[ТОЧКА]com/bkb-hiqp-skj

IRC Новости: КИКА се сели на Libera.chat

ИЗВЕСТУВАЊЕ:

Овој блог напис е кратко инфо за новиот официјален IRC сервер и канал што го користиме.

Масовната миграција на канали и корисници се случува на серверот Freenodе на која ѝ претходеше жестока драма. Добар дел од модераторите на Freenode решија да отворат нов сервер, Libera.chat,  со себе повлекувајќи и огромен дел од корисниците и каналите. Нашиот канал #lugola повеќе нема да биде активен на Freenode.

Новиот канал е под името #spodeli, а серверот:

/server add libera irc.libera.chat/6697 -ssl

А со тоа и нов лог: https://irc.softver.org.mk/#/spodeli

Се читаме на IRC. 🙂

 

ps.

Libera сега има и прилично елегантен web пристап https://web.libera.chat/gamja/

Сакам да ми работи #5: Secureboot

На „Сакам да ми работи #4“ инсталиравме Arch Linux во виртуелна машина со UEFI, LUKS енкриптиран диск и systemd-boot како bootloader.

Дополнително вклучивме TPM2 како можност за декрипција на дискот.

Во сабота, од 20:00ч. продолжуваме со кои се предностите, а кои маните на тој систем, како да го нападнеме и идеално како да го одбраниме системот.

Meet: https://meet.google.com/sft-iunq-ube

Сакам да ми работи #4: ArchLinux

Вечерва, петок во 20:00 инсталираме ArchLinux. Толку е твитот.

А митот е https://meet.google.com/ sft-iunq-ube

ps.
доколку има време ќе подесиме tpm2 за декрипција на LUKS, secure-boot и директно бутирање на uefi кернел без бутлоадер.

From scratch: имплементираме MD5 во Python

Од чиста мира, без некоја особена потреба, вечерва Андреј Т. (whoeverest) ќе го реимплементира MD5 hashing алгоритмот во Python. Во живо на стрим се разбира: https://meet.google.com/rta-negd-yjg

Овој алгоритам си има посебно место во историјата; на времето (кога беше све поарно) се користеше за хаширање на лозинки, секако, доколку програмерите беа доволно совесни да ги хашираат, арно ама испадна криптографски несигурен и денеска се користи претежно за не-толку-битни проверки од типот „фајл А е еднаков на фајл Б.“

Инаку постов го крстив „From scratch” затоа што од пред некое време имав идеја да направам редовен настан кај што ќе имплементираме Х од нула, каде што Х е некоја работа која ја користиме и земаме здраво за готово. Во зависност од интересот, ова може да биде еднократен настан или серија. Ако е серија ќе ја туриме на Нетфликс хехе.

Се гледаме вечер во 20:00ч. (Дата: 11.04, ден недела.)

Првата слика кога ќе пишеш hashing algorithm во DuckDuckGo, од Википедија.